تدليس بطاقات الشّحن بو 5 و 10 آلاف

أكمل دراسته بالصّادقية وخيّر اختصاص الهندسة في الإعلاميّة و في سبتمبر 2003 بدأت المسيرة .

تعرّف زياد_التلمساني على السيّد ظافربن مامي اللّي كان يملك فكرة مشروع اتصالات تونس و قرّروا بش يدخلوا للمزايدة اللّي بش تعملها الدّولة و كانوا آنذاك 5 شركات يتنافسو و كيفاش بش يربح زياد الصفقة ؟؟

· اتّصل بالمدعو سيف_الطّرابلسي ابن أخ زوجة الرئيس السابق و شقيق عماد و حسام أبناء المرحوم الناصر الطرابلسي و قبل العرض بالتساوي للثلاثة و فازوا بعرض اتصالات تونس تحت اسم شركة بطاقة و كان السيّد هيكل جلال هو من باشر هذه المزايدة و جابوه من وزارة المالية كـ détaché

· بدأت الشّراكة في سبتمبر 2003 و كان ظافر_بن مامي هو من يقوم بكلّ الأعمال و معه مهندس شاب يعاون فيه و بدات الأمور تمشي لكن مشروع كبير كيف هذا لازمو الفلوس ... سيف الطرابلسي رفض بش يدفع لأنّو مهمّتو هو الفوز بالصّفقة وقتها اضطر زياد التلمساني لرهن منزله بجهة مرناق لدى بنك الجنوب و بدات الخدمة الصّحيحة و كانو يخدمو بمقهى مونمارتر قبل ما ياخذو بيرو بجهة مونبليزير سنة 2005 صارتشي مشكلة بين زياد التلمساني و سيف الطّرابلسي و بوه الناصر على عملة عمالهالهم زياد قدام مستثمرين طلاين ... تحوّل على إثرها المرحوم الناصر الطرابلسي إلى قرطاج و طلب من اختو بش تخرّج زياد م الشّركة و قرّرت بش يقعد سيف_الطّرابلسي و ظافر_بنمامي بـ 40٪ لهذا الأخير و 60٪ لإبن شقيقها على إثرها قابل سيف السيّد ظافر بن مامي اللي رفض الخيانة و قالّو نحن بدينا ثلاثة نكمّلو الثلاثة ... بعد أسبوع رجع سيف لظافر بن مامي و قلّو صحّح على خروجك بما أنّو انت رفضت راهو زياد وافق على إخراجك و غدرك و بعد رفض كبير قبل ظافر بن مامي خوفا من التهديدات و رجْعولو الـ 12 ألف دينار اللي بداو بيه المشروع و اعطاوه مبلغ 130 ألف دينار تقريبا (مانيش مثبت بالضبط) و آخر قضية رفعها ظافربنمامي في 2020 و تنجّموا تثبّتوا .

· نفس العام 2005 بدا زياد التلمساني فالخدمة الصحيحة و هي تدليس بطاقات الشّحن بو 5 و 10 آلاف و كان قد تسوّغ منزلا جهة بير مشارڤة يقوم بيه بعمليّاته المجرمة في حق التوانسة اللي كيف يصبّ كارطة يقولولو:

- " راهي مصبوبة و الله غالب "

كذلك على النيابة العمومية بالقطب القضائي و المالي فتح تحقيق في بطاقات sim اللي قام أيضا بتدليسها في نفس المكان بعد أن ربح المناقصة الجديدة ليها و كان يتصرّف بكل حنكة في كل مرّة و في كل إدارة يدخللها لنيل ما يريد و كان يجيبلهم في وثائق من chambre de commerce لنيل الـ 20٪ من الأرباح كمصنّع و البحث بإذن الله اتو يجيب .

· كان زياد من زمان يعرف اش يعمل و كان يحوّل في فلوسو الكل للخارج و عندو:

- compte bancaire بباريس ببنك société générale

- و كان عندو كونت في Montréal

- و كونت بلندن

- و كونت برأس الخيمة بدبي

و كان منذ 8 أشهر على وشك الإيقاف بعد أن تم القبض على تاجر كبير للعملة و حجز كرّاسه اللي فيه أسامي رجال أعمال كبيرة منهم زياد و تم ائتلاف الموضوع و روّح هو و المجرمين اللكل بعد تدخّلات من رؤوس كبيرة أمثال البشير_العكرمي و الأخوين نجيب وعصام الشابي والمهدي بن غربية وزياد الهاني اللي فالمدة الأخيرة كرّس روحو للتحصّل على رخصة بناء للمدعو زياد جهة قرطاج و القائمة تطول و ان شاء الله البحث يعاود يتحل .

· كمّل زياد مسيرته النضاليّة فبعد التدليس تحوّل مجرم اتصالات_تونس إلى السّرقة و سرق les filtres des opérateurs Télécom

و قد كان محل تتبّع سنة 2017 إثر شكاية قدّمها آنذاك المدير في اتصالات تونس الفرنسي

Éric Sparte Kerboriou

لدى القطب القضائي و تحوّلت الشّكاية للفرقة المركزية بالعوينة لكن لم يجدوا الأثر و أغلق الملف لعدم وجود الأدلّة ( عندي الأدلّة الرّسمية تحصلت عليها حديثا ) و قد تمّ الاتصال بالفرنسي اللي شلق ببرشة خنار و سرقة و قال اللي

· الفاضل كريم مدير عام اتصالات تونس على علم بالموضوع سنة 2012 دخل مجرم التليكوم في شراكة مع السيّد رفيق بوشماوي بنسبة 25 ٪ اللي كان صديق ليه و أعطاه الثقة لكن قام بالتحيّل عليه و لم يسلّمه مليم واحد منذ ذلك الوقت و له قضايا مرفوعة ضده و قد تمّ التستّر على الملف بدرجة أولى في الفرقة الاقتصادية لمدة سنة و نصف بأوامر المجرم الأكبر البشير العكرمي الذي قبض مبلغ ما يقارب ال 150 ألف اورو تم تحويلها من فرنسا إلى ألمانيا حيث يقيم ابن هذا الأخير للدراسة ...

· كذلك رفعت ضده العديد من القضايا في التحيّل على بعض زبائنه مثل: - رياض الدريدي بمبلغ 355 ا. د - علي الطبربي بمبلغ 135 ا. د - نزار القروي بمبلغ 260 ا. د - ابراهيم الشبلي بمبلغ 125 ا. د - و مبالغ كبيرة أخرى تخصّ ناس أخرى بمبالغ صغيرة و كان المدير التجاري متاعو آنذاك المدعو وليد الحرزي هو من لهف هذه الأموال لصالح زياد و زوجته المسمّاة مريم الزڤلّي (الملف الكامل اللوطا هبطناه بالوثائق و أرقام القضايا)

· واليوم جميع هذه القضايا تحولت لمكتب التحقيق الأول بالمحكمة الإبتدائية بتونس اللي عندنا فيه ثقة بش يرجع حقوق الناس .

نرجعلكم لسنة 2013 حيث حنّ مجرم التليكوم زياد التلمساني للتدليس و بعد خروج بطاقات الشحن بو دينار بدأ بالتّدليس صحبة عونين من مهندسي اتصالات تونس و كان يطبع فيهم بمنزل كاريه وسط العاصمة و كل شهرين يعطيوه CD بمبلغ زوز مليارات من مليماتنا و تكون العملية بنسخ الأصليين مرتين (جميع الأدلة و البطاقات موجودة و محفوظة عندي ) و منهم كمية لدى الهيئة الوطنية لمكافحة الفساد اللي فتحت ملف فوري بأمر من رئيس الهيئة المغدور القاضي عماد بوخريص لكن لليوم اتصالات تونس مطفّية الضو .

- السيّد رئيس الجمهورية

- السيّد التحقيق الأول بمحكمة تونس

- السيّد التحقيق بالقطب القضائي

هذا مجرم التليكوم من المجرمين الكبار اللي حطّموا اقتصاد بلادنا و حطّموا العديد من العائلات اللي فيهم اللي طلّق و اللي فيهم اشكون هرب و اللي فيهم اشكون باع صياغة أمّو و اللي فيهم باع دار بوه باش يخلّص ما اقترفه هذا المجرم من أفعال شنيعة و لغاية اليوم يتكبّر و يخرج للمنابر الإعلامية يغطّ فالناس بأخلاقه العالية و مبادئه و هو فالحقيقة مجرم ...

ان شاء اللّه تاخذو حق تونس و حق الناس و ايقافه عاجلا لأن الحقّ يَعْلى و لا يُعلى عليه و حسبي الله ونعم الوكيل في كلّ مليم حرام كليتو للبلاد و العباد يا زياد ...

#صفحة_اللّي_فمّا_بش_يتقال لا تعرف العاطفة مع أي مخرّب للإقتصاد الوطني و الناهب للمال العام و نحن مع المحاسبة لكل من سوّلت له نفسه خيانة هذا الشعب.

#صفحة_اللّي_فمّا_بش_يتقال صفحة التوانسة الكلّ

المصدر:

https://www.facebook.com/اللي-فمّا-بش-يتقال-103082078244755/

https://athawra-news.com/من-يحمي-المتحيّل-زياد-التلمساني-؟-ومن/