ماذا حدث للـ BIAT ؟

تعرضت ليلة 17 فيفري لعملية قرصنة خطيرة وقفت المعاملات الكل متاع أمس والهجوم هذا يعرف بـ:

ــ Ransomware

وهو برمجية خبيثة تشفّر الـ Data متاع أي Système d'information و بالتالي يستحيل إسترجاعها نظريا دون الحصول على المفتاح المستخدم في تشفيرها مع ضرورة دفع فدية في مقابله للقراصنة إلي طالبين 20 مليون دولار تدفع بالـ Bitcoin كما جرت العادة.

الخبر أعلنه امس خبير في الأمن المعلوماتي إلي نتصور اتصلوا بيه الـ BIAT باش يعاونهم بالنسبة للجماعة إلي تسأل علاش مافماش بلاغ رسمي م البانكة الجواب ساهل في تونس عمرنا ما كانت عنا ثقافة الـ COM de crise وديمة أي حكاية نحاول نلمّوها من غير ما يسمع بها حد ونتصور الـ BIAT خايفة على السّمعة متاعها كأول بنك في تونس و ماتحبّش تفجعش الحرفاء متاعها بش مايهبطوش الكل يحبوا على فلوسهم.

- بالنسبة للعباد إلي خايفة على فلوسها وإلي عندهم قروضات وفرحانين ماشي فيبالهم باش يتفسخوا راهم غالطين راو شيء ما يضيع في البنوك بالعربي فلوسكم

و قروضاتكم ماهيش باش تتمس على خاطر كل شي عندو backup رقمي وفي البنوك بالذات عندهم أرشيف papiers يقعد محفوض سنين حسب القانون البنكي.

- اليوم رجعوا في بعض الفروع يخدموا في المعاملات متاع versement et retrait en espèces بإستعمال une application de PCA باش يسڨدوا العباد حتى يرجع السيستام الرسمي أما لازم كل حريف يمشي للـ Agence متاعو.

- تقنيا الحكاية إلي قاعدين يحكيوا فيها برشة ناس إلي القرصنة صارت على خاطر فالـ BIAT مازلوا يستعملوا في Windows XP راهي غالطة بالنسبة للـ les serveurs لكلها Linux/Unix ماهيش Windows أصلا وحتى les postes clients إلي مستعملين فالـ les agences لكلها Windows 7 صارلها سنين وممكن برشة توة تعداوا للـ Windows 10

- بالنسبة للـ Systeme d'information متاع الـ BIAT يعتبر أحسن ما فمّه في تونس اليوم وصارفين مليارات على un projet de refonte et transformation digitale de leur ancien SI واليوم عندها أقوى Core banking system موجود في العالم إلي حتى برشة بنوك كبيرة في اوروبا مازلت معندهاش كيفو حاليا أما المشكلة في تونس اخر حاجة يخمو فيها هي الحماية والأمن المعلوماتي وما يحبوش يصرفوا عليهم.

- حاجة أخرى العالم حاليا قاعد يعاني من عديد الـ cyber attaques خاصة هجمات الـ Ransomware إلي تضاعفت بشكل رهيب في زمن الكورونا مثلا فرنسا إلي نهار كامل نضربوا بها فالمثل تعاني من نفس المشكلة عندها مدة وصارتلها عدة عمليات قرصنة على Les hopitaux وعدة ادارات إلي وقفوا كليا ودورها يخدموا بالورقة والستيلو حتى يلقاوا حل واخرها امس صارت attaque على TF1 تسببت في إلغاء بث أخبار 13h.

- بالنسبة لموضوع الحماية والأمن المعلوماتي موضوع مهم وحساس برشة فالعالم لكل اليوم وبرشة دول قاعدة تحضر في جيوش سيبرنية باش تخوض نوع جديد م الحورب كيف روسيا و الصين و الكيان الصهيوني و كوريا الشمالية ولي قاعدين يتخاطفوا في خبراء السلامة المعلوماتية إلي يتعدوا ع الصوابع في العالم في تونس عنا برشة كفاءات شابّة في المجال هذا يتسماوا White hat أو Hacker éthique يعاونوا في أكبر الشركات كيف Intel و Facebook و Microsoft باش يكتشفوا الثغرات ويصلحوها ويخلصوهم.